Туберкулез — бүкіл қоғамның проблемасы. Оның өсуі мен таралуын әр адам күнделікті өмірде туберкулездің алдын-алу туралы білімдерін жақсы біліп, қолданған кезде ғана тоқтатуға болады.
Туберкулез жалпы белгілердің көріністерінен басталады. Әдетте науқаста жөтел, әлсіздік, тершеңдік, ашуланшақтық, ұйқының нашарлауы, тәбеттің болмауы, ұзақ уақыт бойы таңертең және кешке аздап 37,1-37,8 Стемпература, кеуде ауыруы байқалады.
Бастапқы кезеңдерде ауруды анықтау өте маңызды. 15 жастан бастап ересектер мен жасөспірімдер арасында ауруды белсенді анықтау үшін флюорографиялық тексеру, ал балалар арасында аллергиялық сынақ-Манту қолданылады.
Алдын алу: перзентханада 2-4 тәуліктегіжаңа туған нәрестелерге туберкулезге қарсы вакцинацияны жүргізу, сондай-ақ Манту теріс сынамасы кезінде 6 жаста (1-сыныпта) ревакцинациялау.
Туберкулезге қарсы профилактикалық егулер (БЦЖ вакцинасымен вакцинациялау және ревакцинациялау) оларға қоса берілген нұсқаулыққа сәйкес жүргізіледі.
Перинаталдық орталықта БЦЖ вакцинасымен егілмеген балалар МСАК көрсететін ұйымдарда: екі айға дейін – Манту сынамасын қоймай, екі айдан кейін – теріс нәтиже болған кезде вакцинацияланады.
Оқу жылының басында (қыркүйек) бір мезгілде бүкіл республика бойынша 6 жас аралығындағы 1-сынып оқушыларына БЦЖ ревакцинациясын жүргізу басталады. Ревакцинация теріс Манту сынамасы бар дені сау, нфекция жұқтырмаған балаларға жүргізіледі. Осы айда мектепте басқа егулер жүргізілмейді.
Манту сынамасы мен БЦЖ вакцинасымен ревакцинациялау арасындағы аралық кемінде үш күн және екі аптадан аспайды.
Вакцина иммунитетті қалыптастырады, туберкулездің, туберкулез менингитінің және аурудың басқа да ауыр түрлерінің алдын алу мақсатында ағзаның төзімділігін арттырады.
